مفتی اعظم ناصر السلام نے صدقہ فطر کی اہمیت کو بیان کرتے ہوئے کہا کہ صدقہ فطر مقدس رمضان المبارک کے اختتام اور رخصت ہونے پر ہر مسلمان مرد اور عورت پر ادا کرنا واجب ہے جبکہ ہر شیر خوار بچہ پر بھی صدقہ فطر واجب ہے۔
انہوں نے کہا کہ صدقہ فطر کی مقدار ہر ایک کی طرف سے صاع شرعی مقرر ہے یعنی پونے دو سیر گیہوں کا آٹا جو درمیانی قسم کا آٹا ہے پوری تحقیق کے بعد فی کلو 35روپے جبکہ جدید اعشاریہ اوزان ایک کلو سات سو ساٹھ گرام ہے۔ ایک کلو کی قیمت 35 روپے اور 760 گرام کی قیمت 26.60 روپے۔ البتہ احتیاطاً فی کس 62 روپے ادا کرنے کا حکم دیا جاتا ہے۔
انہوں نے کہا کہ صدقہ فطر اپنے شہر اور بستی کے محتاجوں کے علاوہ اپنے آس پڑوس کے غریب، مفلس، یتیموں، مسکینوں اور مسافروں کو دیا جانا چاہئے۔
تاہم مساجد، خانقاہوں اور زیارت گاہوں پر صدقہ فطر صرف کرنا ہرگز جائز نہیں ہے اور نہ ہی کسی سیاسی یا مذہبی تنظیموں کو یہ صدقہ دیا جاسکتا ہے۔
