'امسال صرف 25-30 عسکریت پسند درندازی میں کامیاب ہوئے'

گذشتہ روز مژھل تصادم میں ہلاک ہوئے بی ایس ایف جوان کو خراج تحسین پیش کرنے کی تقریب منعقد کی گئی جس میں ایس ایف کے ایڈیشنل ڈائریکٹر جنرل سریندر پوار موجود تھے۔ انہوں نے اس موقع پر کہا مژھل تصادم ہنوز جاری ہے۔

گزشتہ دو روز سے شمالی ضلع کپوارہ کے مژھل علاقے میں جاری تصادم کے دوران ہلاک ہوئے بارڈر سکیورٹی فورس کے ایک اہلکار کانسٹیبل سدیپ سرکار کو خراج تحسین پیر کے روز سری نگر میں واقع بی ایس ایف کے ہیڈ کوارٹر میں پیش کیا گیا۔ سدیپ تریپورہ کے رہنے والے تھے اور بی ایس ایف کی 169 بٹالین میں تعینات تھے۔
سدیپ کی خراج تحسین تقریب کے موقع پر بی ایس ایف کے ایڈیشنل ڈائریکٹر جنرل سریندر پوار کا کہنا تھا کہ 'وہ ایک بہادر جوان تھے اور ان کا نام بی ایس ایف اشوک چکر کے لئے سفارش کیا جائے گا۔'
تفصیلات فراہم کرتے ہوئے انہوں نے کہا کہ 'ہفتے کے روز صبح تقریباً ایک بجے مژھل میں تعینات ہمارے اہلکاروں نے عسکریت پسندوں کی مشکوک حرکت محسوس کی۔ اطلاع موصول ہونے کے بعد ہمارے دو کانسٹیبل سدیپ سرکار اور عبدل نے موقع پر پہنچ کر عسکریت پسندوں سے مقابلہ کیا۔ گولیوں کی تبادلے میں سدیپ شدید زخمی ہوئے اور بعد میں زخموں کی تاب نہ لاتے ہوئے ہلاک ہوئے۔'

ان کا مزید کہنا تھا کہ 'اتوار کے روز بھارتی فوج ہماری مدد کے لئے آئیں۔ اور عسکریت پسندوں کے ساتھ گولیوں کے تبادلے میں دو عسکریت پسند ہلاک کیے گئے جبکہ فوج کے کیپٹن اشوتوش کمار اور دیگر دو ساتھی ہلاک ہوئے۔'سرحد پار سے جاری دراندازی کے حوالے سے بات کرتے ہوئے انہوں نے کہا کہ 'گزشتہ برس 135 سے 840 کے درمیان عسکریت پسند یہاں آنے میں کامیاب ہوئے تھے تاہم امسال صرف 25 سے 30 عسکریت پسند یہاں داخل یونے میں کامیاب ہو پائے ہیں۔ اس کی وجہ یہ ہے کہ درندازی کے خلاف کارروائیاں تیز کی گئی ہیں۔ مژھل کارروائی بڑی تھی تاہم ہمارے جوانوں نے اسے ناکامیاب کر دیا۔'مژھل میں موجودہ صورتحال کیا ہے؟ اس سوال کے جواب میں انہوں نے کہا کہ 'ابھی کاروائی جاری ہے۔ مژھل کا علاقہ ناہموار اور پہاڑی ہونے کی وجہ سے کاروائی میں وقت لگ رہا ہے۔ اس وقت آپریشن آخری مراحل میں ہے۔'ان کا مزید کہنا تھا کہ 'نومبر ماہ میں جہاں برف باری ہونے کی پیشن گوئی کی گئی ہے وہیں دراندازی کی کوششوں میں بھی اضافہ ہو سکتا ہے۔ اس لیے ہمارے جوان مستعد ہے اور ہر دراندازی کی کوشش کو ناکام بنانے کے لیے تیار ہے۔ اس وقت 250 سے 300 کے قریب عسکریت پسند سرحد پار دراندازی کرنے کی تاک میں ہیں۔'