انڈین ایئر فورس (آئی اے ایف) نے بدھ کے روز سری نگر اور کرگل میں پھنسے 75 مسافروں کو اپنے اپنے گھر پہنچایا۔
کرگل کوریئر سروس کے کوآرڈی نیٹر عامر علی نے کہا کہ طیارے نے 21 مسافروں کو کرگل سے سری نگر جبکہ 27 مسافروں جن میں دو بچے بھی شامل تھے، کو سری نگر سے کرگل لایا اور 27 مسافروں کو کرگل سے جموں پہنچایا۔
ان کا مزید کہنا تھا کہ موسم سازگار رہنے کی صورت میں 14 جنوری کو اس طیارے کے ذریعے مسافروں کو کرگل سے سری نگر لایا جائے گا۔
قابل ذکر ہے کہ لداخ یونین ٹریٹری کو وادی کشمیر کے ساتھ جوڑنے والی 434 کلو میٹر طویل سری نگر – لیہہ شاہراہ کو پھسلن اور برف جمع ہونے کے پیش نظر رواں برس کے یکم جنوری سے موسم سرما کے لیے بند کر دیا گیا ہے۔
گذشتہ سال پہلی بار اس شاہراہ کو ماہ دسمبر کے آخر تک ٹریفک کی آمد و رفت کے لیے کھلا رکھا گیا تھا۔
یو این آئی
