تاہم گزشتہ روز چین کے ساتھ جھڑپ کے دوران 20 فوجی اہلکار ہلاک ہونے کے بعد دونوں ممالک کے درمیان کشیدگی میں ایک نیا موڑ سامنے آیا۔
گزشتہ شب بھارتی فوج نے اس بات کی تصدیق کردی کہ 'رواں مہینے کی 16 تاریخ کو چین کی فوج کے ساتھ جھڑپ کے دوران بھارت کے 20 فوجی ہلاک ہوئے ہیں۔ چین کی طرف بھی کچھ ہلاکتیں ہوئی ہیں۔ تاہم ان کی تعداد کے بارے میں ابھی کوئی خبر نہیں ہے۔'
اس کے بعد بھارت کے وزیر دفاع راجناتھ سنگھ نے فوج، فضائیہ اور نیوی کے سربراہان کے علاوہ سینئر افسران کے ساتھ ایک اعلی میٹنگ کی جس میں ہند ۔ چین کشیدگی کو کم کرنے کے تعلق سے تفصیلی بات چیت کی گئی۔
وزیراعظم نریندر مودی نے اپنے بیان میں کہا کہ 'بھارت ملک کے اندر اور باہر سے ہونے والے حملوں سے نمٹ سکتا ہے۔ تاہم بات چیت میں زیادہ بھروسہ کرتا ہے لیکن اگر بار بار اکسایا جائے تو جوابی کارروائی کریں گے'۔
وہیں مرکز کے زیر انتظام جموں و کشمیر کی بات کریں تو یہاں کے بارہمولا، پونچھ اور راجوری پر تعینات فوجی اہلکاروں کو ہائی الرٹ پر رہنے کو کہا گیا ہے۔
بھارتی فوج کے سینئر افسر نے ای ٹی وی بھارت کو بتایا کہ 'گزشتہ شب لائن آف کنٹرول اور انٹرنیشنل بارڈر پر پاکستانی فوج کی جانب سے کچھ سرگرمیاں دیکھی گئی تھیں جس کے بعد یہ فیصلہ کیا گیا۔ اس وقت پنجاب، راجستھان، جموں و کشمیر کے پونچھ، راجوری اور بارہمولہ اضلاع میں واقع لائن آف کنٹرول پر ہائی الرٹ جاری کر دیا گیا ہے'۔
ادھر وادی کشمیر کی عوام میں خدشات میں اضافہ ہوگیا ہے۔ عوام کا ماننا ہے کی بھارت ۔ چین کے درمیان کشیدگی سے کرگل جنگ کی یادیں تازہ ہوگئیں۔
