آئی جی پی کشمیر وجے کمار نے کہا ہے کہ اگر ڈاکٹروں اور پیرا میڈیکل اسٹاف کو کرفیو کے دوران آنے جانے میں کسی قسم کی پریشانی کا سامنا کرنا پڑ تا ہے، تو وہ ہیلپ لائن پر فون کریں۔ اس حوالے سے انہوں نے لینڈ لائن نمبرات 0194-2506561 0194-2506541 اور اس کے علاوہ واٹس ایپ نمبر 8899845182 پر رابطہ کرنے کا مشورہ دیا ہے۔
آئی جی پی کشمیر نے ڈاکٹروں سے کہا ہے کہ اگر انہیں کسی جگہ پہ اپنے فرائض انجام دینے کے دوران غیر ضروری طور پر روکا جاتا ہے تو وہ فوراً ان نمبرات پر پولیس کو آگاہ کریں۔ انہوں نے ڈاکٹروں اور پیرا میڈیکل اسٹاف سے بھی اداروں کے ساتھ تعاون کرنے کی اپیل کی ہے۔
ادھر، آئی جی پی کشمیر نے کرفیو کے دوران صحافیوں کو درپیش مشکلات کے حوالے سے بات کرتے ہوئے کہا کہ صحافیوں کے شناختی کارڈ کو کرفیو پاس کے طور پر تصور کیا جائے گا تاکہ انہیں کسی بھی مشکلات کا سامنا نہیں کرنا پڑے۔
