گزشتہ برس انڈین پریمیئر لیگ میں اپنی کارکردگی سے سب کو متاثر کرنے والے حیدرآباد سنرائزرس کے کھلاڑی عبدالصمد اس مرتبہ پھر ٹیم میں جگہ بنانے میں کامیاب ہوئے ہیں۔
بدھ کے روز حیدرآباد سنرائزرس نے 22 کھلاڑیوں کی فہرست جاری کی جو آئی پی ایم 2021 کے ایڈیشن میں ٹیم کے لئے کھیلیں گے، اس فہرست میں جموں و کشمیر سے تعلق رکھنے والے عبدالصمد بھی شامل ہے۔ عبد الصمد نے سید مشتاق علی ٹرافی میں حال ہی میں شاندار کارکردگی دکھائی تھی۔
گزشتہ برس منعقد ہونے والے آئی پی ایل میں عبد الصمد نے 12 میچ کھیلے۔ انہوں نے اپنی بیٹنگ سے سب کو متاثر کیا تاہم ان کی بولنگ زیادہ کارگر نہیں رہی۔
اس برس جموں وکشمیر سے تعلق رکھنے والے کرکٹ کھلاڑی مجتبیٰ یوسف کو بھی ممبئی انڈینز نے ٹرائلز کے لئے بلایا ہے۔ اس سے قبل وہ کولکاتا نائٹ رائڈرس کے لئے نیٹ بولنگ کرتے تھے جس کے دوران انہوں نے سینئر کھلاڑیوں کو کافی متاثر کیا۔
