سرینگر: ہائی کورٹ آف جموں و کشمیر اور لداخ نے ڈپٹی کمشنر (ڈی سی) سرینگر سے کہا ہے کہ وہ کشمیر چیمبر آف کامرس اینڈ انڈسٹریز (کے سی سی آئی) کے عہدیداروں کا انتخابات ایک ماہ کے اندر کرائے جانے کو یقینی بنائیں۔ HC on KCCI Electionاس سلسلے میں جسٹس سندھو شرما کی بنچ نے بدھ کے روز ڈی سی سرینگر سے کہا کہ وہ تجارتی باڈی کے انتخابات کو مکمل کرنے کے لیے تمام اقدامات اٹھائیں۔
گزشتہ برس 23 مارچ کو عدالت نے مشاہدہ کیا تھا کہ کے سی سی آئی عہدیداروں کے انتخابات کرانے کے لیے تیار ہے جس کے لیے انہوں نے حریف دھڑوں میں سے ہر ایک کے تین تین افراد کے نام تجویز کیے تھے تاکہ انتخابات کے انعقاد میں تعاون کیا جا سکے۔ High Court on KCCI Electionجس کے بعد، عدالت نے ہدایت کی تھی کہ یہ چھ افراد انتخابات کے انعقاد کے لیے ایک کمیٹی بنائیں گے اور کام کریں گے۔ اس کے مزید ڈپٹی کمشنر سرینگر کو انتخابات کی نگرانی کرنے کی ہدایت کی گئی تھی۔
بعد ازاں 9 مئی 2022 کو عدالت کو بتایا گیا تھا کہ ابھی تک انتخابات نہیں ہوئے ہیں حالانکہ اس حوالے سے نوٹیفکیشن جاری کر دی گئی تھی۔ کووڈ پابندیوں کو پولنگ نہ کرانے کی وجہ بتائی گئی تھی۔ High Court Orders KCCI Election to be held Within a Monthجس کے بعد ڈی سی سرینگر نے اپنی رپورٹ پیش کی جس میں کہا گیا ہے کہ عدالت کے حکم کے مطابق کے سی سی آئی کے انتخابات کے انعقاد کو یقینی بنانے کے لیے اقدامات شروع کیے گئے تھے لیکن انتخابات نہیں ہو سکے کیونکہ کمیٹی نے نئی نامزدگی کی اجازت دینے یا پہلے سے نامزد امیدواروں نے دستبرداری کے لیے کچھ وقت مانگا۔
مزید پڑھیں: کشمیر: کے سی سی آئی کو ہائی کورٹ کا نوٹس
عدلت نے دی سی سرینگر کی رپورٹ کا مشاہدہ کرنے کے بعد کہا کہ ’’فریقین کے وکلاء کو ہدایات حاصل کرنے کا وقت دیا گیا۔ انہوں نے نامزد امیدواروں میں سے ایک کے دستبردار ہونے پر منصفانہ طور پر اتفاق کیا ہے، جس نے ایک ہفتے کے اندر پہلے ہی جاری کردہ انتخابی نوٹیفکیشن کے لحاظ سے ایک درخواست اور تازہ نامزدگی واپس لے لی ہے۔ انتخابات ایک ماہ کے اندر عدالت کی ہدایت کے مطابق پہلے ہی جاری کردہ انتخابی نوٹیفکیشن کے مطابق کرائے جائیں۔‘‘
