نئی صنعتی ترقی اسکیم کے لئے رہنما خطوط جاری

جنوری 2021 کو لیفٹیننٹ گورنر منوج سنہا نےکہا تھا کہ دورس نتائج کے ایک بڑے فیصلے میں حکومت ہند نے جموں وکشمیر کے لئے نئی صنعتی ترقی اسکیم کو منظور کیا ہے جو کہ خطے میں معاشی اور معاشرتی ترقی کا ایک نیا دور شروع ہوکر لوگوں کی آرزؤں اور امنگوں کو پورا کرےگی۔

مرکزی حکومت نے جموں و کشمیر کے لیے منظور شدہ نئی صنعتی ترقی اسکیم کے تحت یونٹوں کی رجسٹریشن کے لئے آپریشنل گائیڈ لائیز جاری کی ہیں۔ جاری کردہ رہنما خطوط کے مطابق صنعتی یونٹوں کی رجسٹریشن کا عمل یکم اپریل سے شروع ہوکر رواں برس 30 ستمبر تک جاری رہے گا۔ آپریشنل گائیڈ لائنز کے مطابق رجسٹریشن کے عمل میں توسیع کی جاتی ہے تو درخواستیں نمٹانے کی آخری حد 31 مارچ 2025 ہوگی۔

رہنما خطوط کے مطابق جو اس اسکیم کے تحت مراعات سے مستفید ہونے کے خواہاں ہیں انہیں رجسٹریشن کے لیے آن لائن پورٹل Jknis.dipp.giv.in کے ذریعے درخواستیں دینا ہوں گی۔ اور آن لائن رجسٹریشن کے وقت تفصیلی پروجیکٹ رپورٹ، زمین کے دستاویزات، بینک کی جانب سے منظور کئے گئے قرضے کی کاپی اور دیگر دستاویزات ساتھ رکھنا ہوں گے۔ رجسٹریشن منظوری کے لئے دو کمیٹیاں نامزد کی گئی ہیں۔

جنوری 2021 کو لیفٹیننٹ گورنر منوج سنہا نےکہا تھا کہ دورس نتائج کے ایک بڑے فیصلے میں حکومت ہند نے جموں وکشمیر کے لئے نئی صنعتی ترقی اسکیم کو منظور کیا ہے جو کہ خطے میں معاشی اور معاشرتی ترقی کا ایک نیا دور شروع ہوکر لوگوں کی آرزؤں اور امنگوں کو پورا کرےگی۔

واضح رہے جموں و کشمیر میں معاشی ترقی کو فروغ دینے کی خاطر گزشتہ برس مرکزی حکومت نے نئی صنعتی ترقی سکیم کو منظور کیا ہے جس کے لئے 28400 کروڑ روپے مختص رکھے گئے تاکہ خطے میں سرمایہ کاری کو بڑھایا کر روزگار کے مواقعے پیدا کئے جاسکیں۔