سرینگر میں پارکنگ نہ ہونے پر ٹریفک پولیس کی مبینہ زیادتیاں

دارالحکومت سرینگر میں ٹریفک کا نظام روز بروز ابتر ہوتا جارہا- اس کی خاص وجہ شہر میں انتظامیہ کی جانب سے گاڑیوں کے لیے معقول پارکنگ دستیاب نہ رکھنا ہے-

لوگوں کا کہنا ہے کہ 'انتظامیہ کی اس ناکامی کی سزا گاڑی مالکان کو بھگتنا پڑرہا ہے-'

شہر میں محض ایک بھرپور پارکنگ سہولت ہے جبکہ دیگر پارکنگ کی جگہیں عارضی ہیں جن میں بیشتر سڑکوں کے اطراف کو پارکنگ میں تبدیل کیا گیا ہے-عام لوگوں کا کہنا ہے کہ پارکنگ نہ ہونے کی وجہ سے وہ سڑکوں کے اطراف میں گاڑیاں پارکنگ کرنے پر مجبور ہوجاتے ہیں- لیکن ٹریفک پولیس اس کو مسترد کرتی ہے- ان کا کہنا ہے کہ لوگ شعور نہیں رکھتے ہے جو ٹریکف جام کی خاص وجہ ہے- معقول کار پارکنگ نہ ہونے سے لوگوں کو ٹریفک پولیس کا عتاب دیکھنا پڑ رہا ہے- بیشتر گاڑی مالکان کی گاڑیوں کو پولیس ضبط کرکے ان پر جرمانہ عائد کرتی ہے-لوگ شکایت کر رہے ہیں کہ گاڑیوں کو ضبط کرنا اور پھر عدالتوں کے چکر کاٹنا پولیس کے پاس واحد حربہ ہے- انکا کہنا ہے کہ پولیس کو سرینگر میونسپل کارپوریشن کے ساتھ ملک کر شہر میں پارکنگ سہولت دستیاب رکھنے چاہیے تاکہ لوگ پولیس کے عتاب سے نجات پا سکے-

حکام کا کہنا ہے کہ وہ متعلقہ محکموں کے ساتھ مل کرے شہر کے ٹریفک نظام کو بہتر بنانے کی کوشش میں لگے ہوئے ہیں-