سرمایہ کاروں کو راغب کرنے کے لیے میگا روڈ شوز

روڈ شوز ممبئی، بنگلورو، کولکتہ، چنئی، احمد آباد، گجرات اور لکھنؤ جیسے شہروں میں انعقاد کیا جائے گا۔

جموں میں کشمیر میں 28،400 کروڑ روپے کی نئی صنعتی پالیسی کا اعلان کے بعد انتظامیہ نے اس یونین ٹریٹری میں سرمایہ کاروں کو راغب کرنے کے لیے ایک بار پھر ملک کے بڑے شہروں میں میگا روڈ شوز منعقد کرنے کا منصوبہ بنایاہے۔

اگرچہ ملک کے کئی سرمایہ کار جموں و کشمیر میں سرمایہ کاری کے لیے تیار ہیں، تاہم انتظامیہ ملک کے بڑے شہروں میں روڈ شوز منعقد کرنے جا رہی ہے تاکہ سرمایہ کاروں کو جموں و کشمیر کی طرف راغب کیا جاسکے۔

حال ہی میں جموں و کشمیر کے لیے نئی صنعتی پالیسی کے اعلان کے بعد متعدد سرمایہ کاروں کی جانب سے یونین ٹریٹری میں سرمایہ کاری کے لیے مثبت جواب ملا ہے۔

ذرائع نے بتایا کہ چند صنعت کار پہلے ہی یو ٹی حکومت کے ساتھ رابطے میں ہیں، جبکہ سرمایہ کاری کے لیے یوٹی انتظامیہ سے رابطہ کر رہے ہیں، تاہم سرمایہ کاروں کو مزید راغب کرنے کے لیے حکومت نئی صنعتی پالیسی کے تحت جموں و کشمیر میں سرمایہ کاری کے لیے ملک کے مختلف شہروں میں روڈ شوز کا انعقاد کرنے جا رہی ہے۔

ذرائع نے بتایا کہ لیفٹیننٹ گورنر منوج سنہا اور دیگر سینئر بیوروکریٹس کے ملک کے بڑے شہروں میں روڈ شوز میں شامل ہونے کے امکانات ہیں۔

ذرائع نے بتایا کہ ممبئی، بنگلورو، کولکتہ، چنئی، احمد آباد، گجرات اور لکھنؤ جیسے شہروں میں روڈ شوز کا انعقاد کیا جائے گا۔

ذرائع کا کہنا ہے کہ روڈ شوز کے تفصیلی شیڈول کو اگلے چند دنوں میں منظر عام پر لایا جائے گا۔ اس کے علاوہ شیڈول میں روڈ شوز کا حصہ بننے والے سینئر افسران کا نام بھی شامل کیا جائے گا۔