حکومت نے شیر کشمیر انسٹی ٹیوٹ آف میڈیکل سائنسز Sher-i-Kashmir Institute of Medical Sciences صورہ کی گورننگ باڈی کو از سر نو تشکیل دیا ہے۔ جموں وکشمیر سرکار کی طرف سے جاری کردہ حکم نامے کے مطابق پرانے احکامات کو رد کرتے ہوئے سکمز صورہ کی گورننگ باڈی تشکیل نو کر دی ہے۔
نئی تشکیل دی گئی کمیٹی میں لیفٹیننٹ گورنر منوج سنہا کو بطور چیئرمین شامل کیا گیا ہے جب کہ ایل جی کے مشیر، چیف سیکرٹری، مرکزی سرکار میں شعبہ صحت و خاندانی بہبود میں ہیلتھ ریسرچ کے سیکرٹری، مرکزی سرکار کی وزارت سائنس اینڈ ٹیکنالوجی کے شعبہ باؤ ٹیکنالوجی کے سیکریٹری، ڈائریکٹر ایمز نئی دلی، پرنسپل جی ایم سی سرینگر، پرنسپل میڈیکل کالج جموں اور پرنسپل میڈیکل کالج بمنہ بحثیت ممبران ہوں گے۔ ادھر ڈائریکٹر سکمز کمیٹی میں بطور ممبر سیکرٹری شامل کیا گیا ہے۔ Govt reconstitutes governing body of SKIMS
یہ بھی پڑھیں: Funds Embezzlement Scandal in SKIMS: اسکمز صورہ میں فنڈز کا خربرد، تین ملازمین معطل
اس کے علاوہ ایڈمنسٹریٹیو سیکرٹری، جنرل ایڈمنسٹریشن ڈیپارٹمنٹ، ایڈمنسٹریٹیو سیکرٹری ہیلتھ اینڈ میڈیکل ایجوکیشن ،ایڈمنسٹریٹیو سیکرٹری پلاننگ وغیر کو تشکیل نو کمیٹی میں مشیر کے طور پر شامل کیا گیا۔
