بھاری برفباری کے پیش نظر وادی میں الرٹ جاری

پیر سے شدید برفباری جاری ہے جس سے معمولات زندگی مفلوج ہیں۔ محکمہ موسمیات کے مطابق بدھ کی دوپہر سے موسم میں بہتری آنے کے امکانات ہیں۔

کشمیر میں پیر سے جاری برفباری کے پیش نظر ڈیزاسٹر منیجمنٹ اتھارٹی نے بالائی علاقوں کے لئے درمیانی یا کم تودے گرنے کی وارننگ جاری کی ہے اور ان علاقوں میں مقیم لوگوں سے محتاط رہنے کا مشورہ دیا ہے۔

انتظامیہ کے ایک بیان کے مطابق بالائی اضلاع اور بالائی علاقوں، جیسے راجوری، پونچھ، رامبن، ڈوڈہ، کشتواڑ، اننت ناگ، کولگام، کپواڑہ اور بانڈی پورہ، والٹنگو ناڈ، جواہر ٹنل، ویری ناگ، کاپرن، چوکی بل، گریز میں درمیانی تودے گرنے کا اندیشہ ہے اور لوگ ان علاقوں میں محتاط رہیں۔

وہیں ادھمپور، بارہمولہ، گاندربل، سونہ مرگ کے بالائی علاقوں میں کم درجہ کے تودے گرنے کا خطرہ ہے-

غور طلب ہے کہ وادی میں پیر سے شدید برفباری جاری ہے جس سے معمولات زندگی مفلوج ہیں۔ محکمہ موسمیات کے مطابق بدھ کی دوپہر سے موسم میں بہتری ہونے کے امکانات ہیں۔