وادی مختلف علاقوں میں بارشوں اور برف باری کا سلسلہ پھر شروع ہوا ہے، جس کے باعث سردی کی شدت میں مزید اضافہ ہوگیا۔
محکمہ موسمیات نے میدانی علاقوں میں بارش اور پہاڑی علاقوں میں برفباری کا امکان ظاہر کیا تھا۔ اطلاعات کے مطابق وادی کے مختلف بالائی علاقوں میں ایک فٹ تازہ برف جمع ہوگئی ہے جبکہ میدانی علاقوں میں بارش کا سلسلہ جاری ہے۔
شمالی کشمیر ضلع بارہمولہ میں بارش کا سلسلہ شروع ہوا، وہیں ضلع کے پہاڑی علاقوں میں بھی وقفہ وقفہ سے برفباری کا سلسلہ جاری ہے۔
مشہور سیاحتی مقام گلمرگ میں کریں ایک فٹ تازہ برف جمع ہوچکی ہیں۔
ضلع شوپیان کے پہاڑی علاقوں جن میں پیر کی گلی،سکھ سرای،لال گلام اور مغل سرای شامل ہیں میں بھی تازہ برفباری کی اطلاعات ہیں جبکہ میدانی علاقوں میں بارشوں کا سلسلہ جاری ہے
ضلع میں لوگوں نے سردی کا مقابلہ کرنے کے لیے گرم ملبوسات زیب تن کئے ہوئے تھے اور گرمی کے آلات با لخصوص کانگڑیوں کو بھی دوبارہ استعمال کرنا شروع کیا ہے.
