سرینگر کے نائو پورہ علاقے میں ایک گیسٹ ہائوس میں مقیم خاتون سیاح کو سینے میں درد کی شکایت کے بعد نزدیکی اسپتال پہنچایا گیا تاہم ڈاکٹروں نے انہیں مردہ قرار دے دیا۔
خاتون سیاح کی شناخت جواہر بازار، گجرات سے تعلق رکھنے والی وحیدہ اہلیہ خالد حسین کے طور پر ہوئی ہے۔
گزشتہ ماہ نائو پورہ کے متصل ڈلگیٹ میں گجرات سے تعلق رکھنے والے ایک سیاح کی حرکت قلب بند ہونے سے موت واقع ہو گئی تھی۔
قابل ذکر ہے کہ دفعہ 370کی منسوخی اور لاک ڈائون کے سبب سیاحوں کی آمد بند ہونے سے کشمیر میں شعبہ سیاحت کو شدید نقصان پہنچا تھا تاہم لاک ڈائون میں نرمی کے بعد مقامی و ملکی سیاحوں نے کشمیر کے قدرتی مناظر سے لطف اندوز ہونے کے لیے وادی کا رخ کرنا شروع کر دیا ہے۔
