لاپتہ بیٹے سے گھر واپسی کی اپیل

عمر کے اہل خانہ نے بتایا 'ہم نے اسے ہر گوشے اور کونے سے تلاش کیا لیکن اس کا سراغ نہیں مل رہا ہے'۔

ضلع پلوامہ کے قصبہ پانپور کے تل باغ علاقے سے تقریباً ایک ہفتہ پہلے ایک سولہ سالہ نوجوان گھر سے لاپتہ ہے، نوجوان کی شناخت گیارہویں جماعت کے طالب علم عمر مشتاق کھانڑے (16) ولد مشتاق احمد کھانڑ ساکنہ تل باغ پانپور کے طور پر ہوئی ہے۔

مزکورہ نوجوآن کے والدین کے مطابق عمر سات روز قبل گھر سے لاپتہ ہے۔ تاہم آج تک وہ گھر نہیں لوٹا ہے۔

اہل خانہ نے بتایا 'ہم نے اسے ہر گوشے اور کونے سے تلاش کیا لیکن اس کا سراغ نہیں مل رہا ہے'۔

اس کی نابالغ بہن اور نابالغ بھائی سمیت کنبہ کے دیگر افراد نے بھی عمر سے گھر واپس آنے کی درخواست کی ہے۔ عمر کے اہل خانہ نے پولیس سٹیشن پانپور میں عمر کے لاپتہ ہونے کا مقدمہ بھی درج کرایا ہے۔