انفورسمنٹ ڈائریکٹوریٹ نے سینئر حریت رہنما سید علی شاہ گیلانی کو چودہ لاکھ سے زائد روپے کا جرمانہ نہ جمع ہونے پر نوٹس جاری کیا ہے۔ ای ڈی کی جانب سے انہیں یہ نوٹس ارسال کی گئی ہے جس میں انہیں کہا گیا ہے کہ وہ جرمانے کی رقم 10 دن میں فارئن ایکسچینج مینجمنٹ ایکٹ-1999 کے تحت جمع کروائیں۔
نوٹس کی ایک کاپی ای ٹی وی بھارت کے پاس موجود ہے۔ سید علی شاہ گیلانی پر سنہ 2019 کو 14،40،000 روپے جرمانہ عائد کیا گیا تھا، جو آج تک وہ جمع کروانے میں ناکام رہے ہیں۔
سید علی شاہ گیلانی کو بھیجی گئ نوٹس میں لکھا ہے کہ 'اسسٹنٹ ڈائریکٹر کے ذریعہ منظور شدہ آرڈر نمبر (ADJ/02/SRZO/2019/AD-G) مورخہ 20.03.2019 کو منظور کیا گیا تھا جس کے مطابق آپ پر فارئن ایکسچینج مینجمنٹ ایکٹ-1999 کے تحت 14،40،000 روپے کا جرمانہ عائد کیا گیا تھا۔ اس دفتر کے ریکارڈ کے مطابق آپ نے آج تک 14،40،000 روپے جمع نہیں کروائے ہیں۔'
یہ بھی پڑھیں: ربی جان نے کارخانہ قائم کرکے مثال قائم کی
نوٹس میں مزید کہا گیا ہے 'لہذا اب آپ کو یہ نوٹس موصول ہونے کے 10 دن کے اندر اندر ڈیمانڈ ڈرافٹ کے ذریعہ محکمہ کے حق میں جمع کروانے کے لیے نوٹس دی جاتی ہے۔'
