سری نگر: لداخ یونین ٹریٹری میں جمعرات کی شب زلزلے کے ہلکے جھٹکے محسوس کیے گئے تاہم کسی جانی یا مالی نقصان کی کوئی اطلاع نہیں ہے۔ ریکٹر اسکیل پر زلزلے کی شدت 3.2 ریکارڈ ہوئی ہے جب کہ زیر زمین اس کی گہرائی 10 کلو میٹر تھی۔ نیشنل سینٹر فار سیسمالوجی کے مطابق لداخ میں جمعرات کی شب 10 بجکر 22 منٹ پر زلزلہ ہوا۔ سینٹر کے مطابق ریکٹر اسکیل پر زلزلے کی شدت 3.2 ریکارڈ ہوئی ہے جب کہ زیر زمین اس کی گہرائی 10 کلو میٹر تھی۔ تاہم زلزلے سے کسی قسم کے کسی جانی یا مالی نقصان کی کوئی اطلاع نہیں ہے۔ بتادیں کہ جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے۔
واضح رہے کہ 30 اپریل 2023 کو جموں و کشمیر میں زلزلے کے جھٹکے محسوس کیے گئے تھے۔ نیشنل سینٹر فار سیسمولوجی کے مطابق زلزلہ صبح 5 بجکر 15 منٹ پر آیا اور ریکٹر اسکیل پر زلزلے کی شدت 4.1 ریکارڈ کی گئی تھی۔ اس دوران بھی کوئی جانی و مالی نقصان نہیں ہوا تھا۔ زلزلوں کے آنے کی سب سے بڑی وجہ زمین کے اندر پلیٹوں کا ٹکرانا ہے۔ زمین کے اندر سات پلیٹیں ہیں جو مسلسل گردش کرتی رہتی ہیں۔ جب یہ پلیٹیں کسی مقام پر آپس میں ٹکرا جاتی ہیں تو وہاں ایک فالٹ لائن زون بن جاتا ہے اور سطح کے کونے مُڑ جاتے ہیں، سطح کے کونے مڑنے کی وجہ سے وہاں دباؤ بڑھتا ہے اور پلیٹیں ٹوٹنے لگتی ہیں۔ ان پلیٹوں کے ٹوٹنے سے اندر کی توانائی باہر نکلنے کا راستہ تلاش کرتی ہے جس کی وجہ سے زمین ہل جاتی ہے اور ہم اسے زلزلہ سمجھتے ہیں۔
یہ بھی پڑھیں: Afghanistan Earhtquake جموں و کشمیر سمیت ملک کی کئی ریاستوں میں زلزلے کے جھٹکے محسوس کیے گئے
یو این آئی
