شوپیاں: جنوبی کشمیر کے شوپیاں ضلع میں غیر قانونی طور پر کئی نالوں سے آبی ذخائر کی لوٹ پر روک لگانے کے لیے انتظامیہ کافی حد تک کامیاب ہوچکی ہے اور غیر قانونی طور پر ندی نالوں سے ریت اور باجری نکالنے والوں کے خلاف کاروائی کا عمل جاری ہے۔Illegal mining in Shopian
ضلع شوپیاں میں سال گزشتہ 82 ایسی گاڑیاں جن میں ٹپر، بلڈوزر اور ٹریکٹر بھی شامل ہیں ضبط کرلی گئی جو غیر قانونی طور پر آبی ذخائر کی لوٹنے میں استعمال کی جاتی تھی اور قریب 26 لاکھ کا جرمانہ بھی ریت مافیا سے وصول لیا گیا ۔وہیں رواں برس بھی محکمہ نے ریت مافیا کے خلاف کارروائی کا عمل جاری رکھا ہوا ہے اور ابھی تک 51 گاڑیاں جن میں 21 بلڈوزر ، 4 پلیٹ فارم بھی شامل ہیں کو ضبط کرلیا گیا ہے جبکہ غیر قانونی طور پر ریت اور باجری نکالنے والوں سے قریب 6 لاکھ روپے کا جرمانہ وصول لیا گیا ہے ۔
مزید پڑھیں:
اس حوالہ سے ڈسٹرکٹ جیالوجی اینڈ مائنگ آفسر شوپیاں ماجد عزیز بٹ نے بتایا کہ محکمہ ضلع میں 95 فیصد تک غیر قانونی طور پر ریت اور باجری نکالنے پر روک لگانے میں کامیاب ہوچکا ہے اور ابھی بھی ریت مافیا کے خلاف کاروائی کا عمل جاری ہے۔
