طبی عملے کو میڈیا سے بات کرنے پر پابندی عائد

دوسرے حکمنامہ میں محکمہ ہیلتھ سروسز کشمیر کے ڈائریکٹر نے میڈیکل آفسر ڈاکٹر میر مشتاق کو محکمہ کا ترجمان نامزد کیا ہے جو میڈیا کو کورونا وائرس کی صورتحال سے متعلق جانکاری فراہم کریں گے۔

وادی کشمیر میں انتظامیہ نے طبی عملے کو میڈیا سے کورونا وائرس سے ہسپتالوں میں پیدا شدہ صورتحال کے متعلق بات کرنے پر پابندی عائد کی ہے۔

محکمہ ہیلتھ سروسز کشمیر کے ڈائریکٹر ڈاکٹر مشتاق احمد راتھر نے اس ضمن میں ایک حکمنامہ جاری کیا ہے جس میں انہوں نے متعلقہ چیف و بلاک میڈیکل افسران کو ہدایت دی ہے کہ کوئی بھی ڈاکٹر یا عملہ کا کوئی دیگر رکن میڈیا سے بات کرنے سے اجتناب کرے-

موصوف ڈائریکٹر نے متنبہ کیا ہے کہ اگر کسی ملازم نے اس حکمنامہ کی خلاف ورزی کی اس کے خلاف ڈاسپلنری کارروائی کی جائے گی۔

طبی عملے کو میڈیا سے بات کرنے پر پابندی عائد

وہیں، دوسرے حکمنامہ میں موصوف ڈائریکٹر نے میڈیکل آفسر ڈاکٹر میر مشتاق کو محکمہ کا ترجمان نامزد کیا ہے جو میڈیا کو کورونا وائرس کی صورتحال سے متعلق جانکاری فراہم کریں گے۔ تاہم موصوف ڈائریکٹر کے میڈیا سے متعلق حکمنامہ پر طبی عملے میں تشویش پیدا ہو گئی ہے اور بعض حلقے اس کے متعلق کہہ رہے ہیں کہ اس فرمان کا مطلب ہے کہ عوام کو کورونا وائرس کی صورتحال سے محروم رکھنے کے مترادف ہیں۔