وادی کشمیر میں تیز رفتار انٹرنیٹ پر پابندی اور گزشتہ ایک برس سے بندشوں اور پھر لاک ڈاؤن کی وجہ سے تعلیمی ادارے مقفل ہونے کے باوجود 19 سالہ نوجوان نے انجینئرنگ امتحانات میں امتیازی پوزیشن حاصل کی ہے-
سرینگر میں مقیم ضلع کپواڑہ کے نوجوان نوید الامین نے انجینئرنگ تعلیم پڑھنے کے لیے لازمی جوائنٹ انٹرینس امتحانات میں 99.23 فیصد نمبرات حاصل کئے ہیں جو کشمیر کے گزشتہ ایک برس سے چل رہے حالات کے پس منظر میں قابل ستائش کارنامہ ہے-
نوید الامین نے سرینگر کے ایک سرکاری اسکول میں 12ویں جماعت تک تعلیم حاصل کی اور پھر جے ای ای امتحانات کے لئے تیاریاں شروع کی تھی-
انکا کہنا ہے کہ 4جی انٹرنیٹ پر پابندی اور پھر کووڈ 19 لاک داؤن کی وجہ سے انکو امتحانات کے لئے تیاریاں کرنے میں مشکلات کا سامنا کرنا پڑا جس کی وجہ سے انکی کارکردگی متاثر ہونے کا خدشہ تھا۔
یہ بھی پرھیں: کووڈ-19 وبا کے باوجود طلباء نییٹ امتحانات میں شامل
انکا کہنا ہے کہ انٹرنیٹ، جے ای ای اور یگر امتحانات کے لئے تیاریاں کرنے کے لئے بہت اہم ہے اور انکی کمی کے باعث نتایج پر اثر پڑتا ہے-
نوید کا کہنا ہے کہ فی الوقت جے ای ای ایڈوانس کے لیے تیاریاں کر رہے ہیں تاکہ انکو انجینئرنگ میں بہتر سٹریم مل پائے-
