سرینگر: مرکزی وزیر دفاع راج ناتھ سنگھ جمعرات یعنی 27اکتوبر کے روز وادی کشمیر کے دورے پر آ رہے ہیں۔ ذرائع کے مطابق دورے کے دوران وزیر دفاع وسطی کشمیر کے ضلع بڈگام میں انفنٹری ڈے کی تقریب میں شرکت کریں گے۔ Rajnath Singh To Visit Kashmir
ذرائع نے مزید بتایا کہ وزیر دفاع سرحدی علاقوں کا بھی دورہ کریں گے اور وہاں پر لائن آف کنٹرول (ایل او سی) کی تازہ ترین صورتحال کا بھی جائزہ لیں گے۔ Rajnath Singh To Visit LOC
ذرائع کے حوالہ سے معلوم ہوا ہے کہ انفنٹری تقریب میں جموں وکشمیر کے لیفٹیننٹ گورنر منوج سنہا، چیف آف ڈی ڈیفنس اسٹاف جنرل انیل چوہان، جنرل آفیسر کمانڈنگ ان چیف شمالی کمان لیفٹیننٹ جنرل اوپندر دیوی کے علاوہ دیگر سینیئر افسران بھی شرکت کر رہے ہیں۔ اس تقریب میں شرکت کے بعد وزیر دفاع بادامی باغ کنٹونمنٹ سرینگر میں کشمیر کی سکیورٹی صورتحال کا جائزہ لیں گے۔ وزیر دفاع ڈیوٹی کے دوران ہلاک ہوئے کشمیری فوجی جوانوں کے اہل خانہ سے بھی ملاقات کریں گے۔ Security Meeting in Kashmir
مزید پڑھیں: Rajnath Singh On North Eastern State شمال مشرقی ریاستوں کو آزادی کے بعد نظر انداز کیا گیا، راجناتھ
وزیر دفاع 28 اکتوبر کو ممکنہ طور پر لداخ کا بھی دورہ کریں گے اور وہاں پر چین کے ساتھ لگنے والی صورتحال کے بارے میں سینیئر فوجی آفیسران کے ساتھ تبادلہ خیال کریں گے۔Rajnath Singh To Visit Ladakh
بتادیں کہ امسال جون مہینے کی 16 تاریخ کو وزیر دفاع راجناتھ سنگھ کشمیر دو روزہ دورے پر آئے تھے۔ دورے کے دوران انہوں نے فاروارڈ علاقوں کا دورہ کیا تھا اور وہاں تعینات فوجیوں سے گفتگو بھی کے تھی۔ وزیر دفاع نے 17 جون کو جموں میں مہاراجہ گلاب سنگھ کی 200 سالگرہ میں شرکت کی تھی۔
