سرینگر کے چھانہ پورہ میں عسکریت پسندوں کی فائرنگ میں ایک سی آر پی ایف جوان کے زخمی ہونے کی اطلاع ہے۔
سرینگر میں عسکریت پسندوں کی فائرنگ، سی آر پی ایف جوان زخمی
ذرائع نے بتایا کہ سرینگر کے چھانہ پورہ علاقے میں عسکریت پسندوں نے سی آر پی ایف پارٹی پر فائرنگ کی جس کے نتیجے میں ایک سی آر پی ایف اہلکار زخمی ہو گیا ہے۔ زخمی سی آر پی ایف اہلکار کو فوری طور پر ہسپتال منتقل کیا گیا ہے۔
سی آر پی ایف ترجمان نے واقعہ کی تصدیق کرتے ہوئے کہا کہ سی آر پی ایف جوان کی ٹانگ پر گولی لگی جس کے نتیجے میں وہ معمولی زخمی ہو گئے ہیں۔
دریں اثنا واقعے کے فوراً بعد سکیورٹی فورسز نے علاقے کو محاصرے میں لے کر تلاشی کارروائی شروع کر دی ہے۔
