اطلاعات کے مطابق وادی کشمیر میں نوول کورونا وائرس کے 20 نئے کیسز سامنے آئے ہیں اس طرح سے جموں و کشمیر میں کورونا وائرس سے متاثرین افراد کی تعداد 454 تک پہنچ گئی ہے۔
ذرائع نے بتایا کہ آج 20 مثبت کیسز پائے گئے ہیں، جن میں سے 9 کا تعلق بانڈی پورہ سے ہے، 5 شوپیاں سے، 4 کپواڑہ اور 2 کا تعلق ٹنگمرگ سے ہے۔
اس یونین ٹریٹری میں اب تک 64,089افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ ان میں 5,806 اَفراد کو ہوم کورنٹین میں رکھا گیا ہے جس میں سرکار کی طرف سے چلائے جارہے کورنٹین مراکز بھی شامل ہیں.
