جموں و کشمیر میں ابتک جہاں وائرس نے 1980 افراد کو موت کی آغوش میں چلے گئے ہیں۔ وہیں، 1 لاکھ 28 ہزار 389 افراد اس وائرس سے متاثر ہوئے ہیں۔
گزشتہ چند ہفتوں سے کشمیر وادی میں کورونا وائرس کی نئی لہر سامنے آنے اور مثبت معاملات کے اضافے کے تناظر میں ای ٹی وی بھارت کے نمائندے پرویز الدین نے وادی کے معروف معالج ڈاکٹر نظیر نوید شاہ سے بات کی، تو انہوں نے کہا کہ گزشتہ برس مہاراشٹریہ اور کریلہ میں ہی سب سے کورونا وائرس کے مثبت معاملات سامنے آئے تھے جس کے بعد وائرس آناً فاناً پورے میں ملک کے ساتھ ساتھ کشمیر میں بھی داخل ہوا۔ اس لیے ضروری ہے اس رجحان کو کم کرنے کی خاطر احتیاط سے کام لیا جائے اور وضح کئے گئے رہنما خطوط پر من عن عمل کیا جائے۔
انہوں نے کہا کہ کشمیر وادی میں اکثر لوگ احتیاطی تدابیر پر عمل نہیں کرتے ہیں۔معمول کی سرگرمیاں انجام دیتے وقت نہ ہی سماجی دوری کا خیال رکھا جارہا ہے اور نہ ہی ماسک کا لوگ احتیاط کے حوالے سے لاپراہ دکھائی دے رہے ہیں جس وجہ سے ایک بار پھر کشمیر وادی میں کورونا وائرس کے مثبت معاملات میں ایک بار پھر اضافہ دیکھنے کو مل رہا ہے۔
اسکول،کالج اور دیگر تعلیمی اداروں میں سرگرمیوں شروع کئے جانے سے متعلق پوچھے گئے ایک سوال کے جواب میں ڈاکٹر نذیر نوید شاہ نے کہا کہ ابھی تک بچوں میں کورونا وائرس کا کوئی خاص معاملے سامنے نہیں آیا ہے البتہ اگر اسکولوں میں احتیاط سے کام نہ لیا جائے تو کرونا وائرس کے پھیلاؤ میں اضافہ ہونے کے امکانات ہیں۔
انہوں نے کہا کہ لاک ڈاؤن مسلے کا حل نہیں ہے تاہم رہنما خطوط کو اپناتے ہوئے معمول کی سرگرمیوں کو جاری رکھا جاسکتا ہے۔
ایک سوال کے جواب ڈاکٹر نوید نذیر نے کہا کہ ٹیکہ کاری کے عمل میں لوگوں کو اپنا بھر تعاون پیش کرنا ہوگا اپنی باری پر ہر فرد کو کرونا مخالف ٹیکہ لگانا چائیے۔تاکہ خود بھی کرونا وائرس سے محفوظ رکھا جائے اور دوسروں کو بھی بچانے میں پہل کی جائے۔
