کورونا وائرس: 'فلائی پاسٹ' کر کے طبی عملے کی حوصلہ افزائی

کشمیر میں آسمان ابر آلود ہونے کی وجہ سے اُڑان زیادہ نمایاں نہیں تھی جس کی وجہ سے لوگ بھی اس فلائی پاسٹ کو اچھی طرح سے نہیں دیکھ پائے-

انڈین ایئرفورس کے جہازوں نے سرینگر کے مشہور ڈل جھیل کے اوپر اُڑان بھر کے کووڈ 19 وبا سے مقابلہ کرنے والے طبی عملے کی حوصلہ افزائی کی۔
بھارت میں فوج کے تینوں ونگز کے سپاہیوں نے ہزاروں ڈاکٹروں، نرسوں اور میڈیکل اسٹاف، مٹی کھودنے والے اور دوسرے فرنٹ لائن کورونا واریئرس کا شکریہ ادا کرتے ہوئے ان پر پھولوں کی بارش کرکے حوصلہ افزائی کی اور سلام پیش کیا۔

اگرچہ دیگر ریاستوں میں ہسپتالوں کے اوپر سے فلائی پاسٹ کا انعقاد کیا گیا لیکن وادی میں ڈل جھیل کے اوپر اس کا اہتمام کیا گیا- کشمیر میں آسمان ابر آلود ہونے کی وجہ سے اُڑان زیادہ نمایاں نہیں تھی جس کی وجہ سے لوگ بھی اس کو اچھی طرح سے نہیں دیکھ پائے-

واضح رہے کہ کورنا وائرس نے پوری دنیا کو اپنی گرفت میں لے لیا ہے۔ بھارت میں بھی لوگ اس وبا سے متاثر ہو رہے ہیں۔

بھارت میں 39 ہزار سے زیادہ لوگ اب تک اس وبا سے متاثر ہو چکے ہیں جبکہ 13 سو سے زاید اموات ہو چکی ہیں۔