کشمیر میں سردی کا زور جاری، سری نگر میں سرد ترین رات ریکارڈ، پہلگام سرد ترین جگہ

کشمیر میں سردی کی شدید لہر کی شروعات ہوگئی ہے۔ سرینگر میں کم سے کم درجہ حرارت منفی 1.8 ڈگری سینٹی گریڈ ریکارڈ کیا گیا ہے جبکہ پہلگام سب سے سرد علاقہ رہا ہے،جہاں کم سے کم درجہ حرارت منفی 3.3 ڈگری سینٹی گریڈ ریکارڈ کیا گیا۔ Jammu Kashmir Weather

سرینگر: وادی کشمیر میں سردی کا زور مسلسل جاری ہے۔ سرینگر میں کم سے کم درجہ حرارت منفی 1.8 ڈگری سینٹی گریڈ ریکارڈ ہوکر رواں سیزن کی ایک اور سرد ترین رات درج ہوئی ہے۔ادھر سرینگر کے کئی علاقوں میں بدھ کی صبح بھی دھند چھائی رہی جس سے صبح کے وقت گھروں سے نکلنے والوں کو مشکلات کا سامنا کرنا پڑا۔

• #WATCH | J&K | Srinagar city engulfed in a dense blanket of fog as temperatures drop here. pic.twitter.com/QdY6XGfCHo

  — ANI (@ANI) November 22, 2023 " class="align-text-top noRightClick twitterSection" data="

  #WATCH | J&K | Srinagar city engulfed in a dense blanket of fog as temperatures drop here. pic.twitter.com/QdY6XGfCHo

  — ANI (@ANI) November 22, 2023

  ">

  #WATCH | J&K | Srinagar city engulfed in a dense blanket of fog as temperatures drop here. pic.twitter.com/QdY6XGfCHo

  — ANI (@ANI) November 22, 2023

ڈائریکٹر محکمہ موسمیات سری نگر مختار احمد کا کہنا ہے کہ سرینگر میں صبح کے وقت دھند چھائی رہنے کا سلسلہ 27 نومبر تک جاری رہ سکتا ہے۔ محکمہ موسمیات کے ایک ترجمان نے بتایا کہ سرینگر میں کم سے کم درجہ حرارت منفی 1.8 ڈگری سینٹی گریڈ ریکارڈ کیا گیا جو معمول سے منفی 1.9 ڈگری سینٹی گریڈ کم ریکارڈ ہوا تھا۔ وادی کامشہور سیاحتی مقام پہلگام سب سے سرد علاقہ رہا جہاں کم سے کم درجہ حرارت منفی 3.3 ڈگری سینٹی گریڈ ریکارڈ کیا گیا جو معمول سے 1.0 ڈگری سینٹی گریڈ کم ریکارڈ ہوا تھا۔ وادی کے شہرہ آفاق سیاحتی مقام گلمرگ میں کم سے کم درجہ حرارت منفی 0.6 ڈگری سینٹی گریڈ ریکارڈ کیا گیا جو معمول سے2.7 ڈگری سینٹی گریڈ زیادہ ریکارڈ ہوا تھا۔ سرحدی ضلع کپواڑہ میں کم سے کم درجہ حرارت منفی 1.4 ڈگری سینٹی گریڈ ریکارڈ کیا گیا جو معمول سے 0.9 ڈگری سینٹی گریڈ ریکارڈ ہوا تھا۔ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی 1.0 ڈگری سینٹی گریڈ ریکارڈ کیا گیا جو معمول سے منفی 1.1 ڈگری سینٹی گریڈ کم ریکارڈ ہوا تھا۔ ادھر خشک موسم کے بیچ محکمہ موسمیات نے برف و باراں کی پیش گوئی کی ہے۔

یہ بھی پڑھیں:موسم سرما کے پیش نظر ہسپتالوں میں تیاریاں مکمل کرنے کی ہدایات
متعلقہ محکمے کے ایک ترجمان نے بتایا کہ وادی میں اگلے چوبیس گھنٹوں کے دوران موسم خشک رہنے کا امکان ہے۔ انہوں نے کہا کہ بعد ازاں 23 نومبر کو وادی کے پہاڑی علاقوں میں کہیں کہیں ہلکی برف باری یا بارشوں کا امکان ہے۔ ان کا کہنا تھا کہ اس کے بعد 24 سے 26 نومبر تک موسم ایک بار پھر خشک رہنے کی ہی توقع ہے۔ موصوف ترجمان نے کہا کہ وادی میں 27 سے 30 نومبر تک موسم ابر آلود رہنے کا امکان ہے اور اس دوران پہاڑی علاقوں میں کہیں کہیں ہلکی برف باری یا ہلکی بارشوں کا امکان ہے۔انہوں نے کہا کہ وادی میں ماہ رواں کے آخر تک موسم بڑے پیمانے پر خراب ہونے کا کوئی امکان نہیں ہے۔