جموں وکشمیر میں عالمی وبا کورونا وائرس کے بڑھتے معاملات کے پیش نظر گورنمنٹ میڈیکل کالج سرینگر نے سبھی کورسز کے لیے کلاسز 15 مئی تک معطل کر دی ہیں۔
جی ایم سی انتظامیہ نے ایم بی بی ایس، بی ایس سی پیرامیڈکس کے علاوہ نرسنگ اور دیگر کورسز کی کلاسز 15 مئی تک بند کر دی ہیں۔ جی ایم سی سرینگر کی جانب سے اس حوالے سے باضابطہ طور پر ایک نوٹفیکیشن جاری کی گئی ہے۔
نوٹفیکیشن میں کہا گیا ہے 'تمام انٹر گریجویٹ کورسز کی کلاسز فی الحال اگلے ماہ کی 15 تاریخ تک معطل کی جارہی ہیں جبکہ نرسنگ کالج بھی بند رہے گا۔ البتہ طے شدہ شڈیول کے مطابق آن لائن موڈ کے ذریعے طلبہ کی کلاسز جاری رہیں گی'۔
یہ بھی پڑھیے
جموں و کشمیر کی نوکر شاہی میں بڑے پیمانے پر ردوبدل
واضح رہے کہ گزشتہ روز گورنر انتظامیہ نے جموں و کشمیر کے سبھی اسکولز، کالجز اور یونیورسٹیز کو 15مئی تک بند رکھنے کا اعلان کیا ہے۔ وہیں جنازے پر 20 افراد، گھر میں کسی تقریب پر 50 افراد اور گھر سے باہر منعقد ہونے والی تقاریب میں محض 100 افراد کو ہی شرکت کی اجازت ہوگی۔
