سرینگر: جموں کشمیر انتظامیہ کے محکمہ رورل سینٹیشن کے ڈائریکٹر چرن دیت سنگھ نے دعویٰ کیا ہے کہ ’’محکمہ سوچھ بھارت گرامین کے تحت ہر گھر سے فضلہ جمع کرکے اسکو ٹھکانے لگا رہا ہے۔‘‘ سنگھ نے یہ دعویٰ جموں و کشمیر چیف سیکریٹری ارون کمار مہتا کے ساتھ منعقد کی گئی ایک میٹنگ کے دوران کیا۔ یہ میٹنگ چیف سیکریٹری نے رول سینٹیشن کے ڈاریکٹر، ضلع مجسٹریٹ، ایڈمنسٹریٹیو سیکرٹری محکمہ دیہی ترقی کے ساتھ کی جس میں دیہی علاقوں کی صفائی اور فضلہ کو سائنسی بنیادوں پر ٹھکانے لگانے کی ہدایت دی گئی۔ Meeting on Solid waste disposal in rural Kashmir
چرن دیپ سنگھ نے میٹنگ کے دوران کہا کہ ’’ہر پنچایت کے لئے سالڈ ویسٹ منیجمنٹ پروجیکٹ تریت دئے جا رہے ہیں جن سے دیہی علاقوں میں فضلہ کو ٹھکانے لگایا جائے گا تاکہ گاؤں میں صفائی کا بہتر نظام قائم ہو سکے۔‘‘ چیف سیکریٹری ارون کمار نے افسران کو ہدایت دی کہ سوچھ بھارت گرامین کے تحت ہر گاؤں میں فضلہ جمع کرنے میں سرعت لائی جائے تاکہ اس مشن کو زمینی سطح پر حقیقی معنوں میں میں لاگو کیا جائے۔
مزید پڑھیں: River Jhelum Pollution: 'دریائے جہلم صاف پانی کی پناہ گاہ کے بجائے گندگی کے ڈھیر میں تبدیل'
