Market Checking In Srinagar سی اے پی ڈی کی کارروائی، 4 دکانیں سربمہر

امور صارفین و عوامی تقسیم کاری محکمے نے پیر کے روز سرینگر کے مختلف علاقوں میں مارکیٹ چیکنگ انجام دی۔ محکمہ کے انفورسمنٹ ونگ نے کارروائی کرتے ہوئے چار دکانوں کو سربمہر کر دیا۔ اس کے علاوہ کئی دکانداروں پر جرمانہ بھی عائد کیا گیا جو کہ زائد المیعاد اور من مانی قیمتوں میں خورد و نوش کی اشیاء فروخت کر رہے تھے۔Market Checking In Srinagar

سرینگر:امور صارفین و عوامی تقسیم کاری محکمے کی انفورسمنٹ ونگ نے پیر کے روز سرینگر کے مختلف علاقوں میں مارکیٹ چیکنگ انجام دی۔ مارکیٹ چیکینگ میں تین دکانوں جن میں ایک مٹن اور دو چائے کی دو دکانیں شامل ہیں کو سربمہر کیا گیا۔اس کے علاوہ ان دکانداروں پر جرمانہ بھی عائد کیا گیا جو کہ زائد المیعاد اور من مانی قیمتوں میں خورد و نوش کی اشیاء فروخت کر رہے تھے۔Market Checking In Srinagar

مذکورہ ٹیم نے 72 مختلف دکانوں کی چینگ کے دوران 13 خلاف ورزی کے مرتکب دکان مالکان سے 15 ہزار سے زائد کی رقم جرمانے کے طور وصول کی۔واضح رہے گزشتہ ہفتے بھی متعلقہ محکمے کی انفورسمنٹ ونگ نے 2 لاکھ سے زائد کا جرمانہ وصول ہے ۔ اس کے علاوہ خلاف ورزی کرنے والے افراد کی 4 دکانیں بھی سیل کر دی گئی یے جبکہ 4 دکانداروں کے خلاف ایف آئی آر درج کی جاچکی ہے۔CAPD Sealed Shops In Srinagar

اس دوران انفورسمنٹ ونگ کے اسسٹنٹ ڈائریکٹر مشتاق احمد وانی نے لوگوں سے اپیل کی ہے کہ وہ محکمہ سے تعاون کریں تاکہ اس طرح کے دکانداروں کے خلاف قانون کے تحت کارروائی عمل میں لائی جاسکے۔ انہوں نے صارفین سے مزید کہا اگر کوئی دکاندار من مانی قیمتیں وصولتا ہے یا زائد المیعاد چیزیں فروخت کرتا یا کسی دوسری قسم کی خلاف ورزی کرتا ہے تو وہ محکمہ کے ٹول فری نمبر18018007011 پر رابطہ قائم کرکے اپنا تعاون پیش کریں۔