بی جے پی نے جموں و کشمیر میں نئی سیاسی جماعت کی تشکیل میں مشغول سیاسی رہنماؤں کو بی جے پی میں شامل ہونے کی پیشکش کی ہے۔
پارٹی کا کہنا ہے کہ 'بی جے پی کا دروازہ ہر ایک کے لیے کھلا ہے اور شمولیت کرنے والے ہر ایک رہنما کا والہانہ استقبال کیا جائے گا۔'
گزشتہ چند روز سے خبریں گشت کر رہی ہیں کہ سابق وزیر الطاف بخاری ایک نئی سیاسی پارٹی تشکیل دے رہے ہیں۔ تاہم الطاف بخاری نے اس طرح کی خبروں کو بے بنیاد قرار دیا ہے۔
بی جے پی جموں و کشمیر یونٹ کے جنرل سکریٹری (آرگنائزیشنز) اشوک کول نے بتایا کہ 'نئی جماعت تشکیل دینے کی کوئی ضرورت نہیں ہے اور وہ سیاسی رہنما جو آج بھارت کا جھنڈا اٹھانے کے لیے آگے آرہے ہیں ان کا بی جے میں شمولیت پر والہانہ استقبال کیا جائے گا۔'
انہوں نے ساتھ ہی کہا کہ 'بی جے پی اس خطے میں نئی سیاسی لہر پیدا کرنے والے رہنماؤں سے عنقریب رسمی طور پر رجوع کرے گی اور ان سے کہا جائے گا کہ وہ ایک نئی جماعت بنانے کے بجائے بی جے پی کی صفوں میں شمولیت اختیار کرلیں۔'
واضح رہے کہ گزشتہ چند روز سے خبریں گشت کر رہی ہیں کہ سابق وزیر الطاف بخاری ایک نئی سیاسی پارٹی تشکیل دے رہے ہیں۔ حالانکہ الطاف بخاری نے اس طرح کی خبروں کو بے بنیاد قرار دیا ہے۔
انہوں نے ای ٹی وی بھارت سے خصوصی بات چیت کرتے ہوئے کہا تھا کہ اس طرح کی خبروں میں کسی طرح کی سچائی نہیں ہے۔ جموں و کشمیر میں کافی ساری سیاسی جماعتیں ہیں، جب وہ ناکام ہونگی اور جو میمونڈم ہم نے پیش کیا ہے اس کے حصول کے لیے یہ پارٹی کام نہیں کر پائی تو تب ہم سامنے آئیں گے اور ایک سیاسی پارٹی تشکیل دی گے۔ ابھی مجھے لگتا ہے کہ یہاں بہت ساسی پارٹی ہونے کی بدولت کسی نئی پارٹی کی ضرورت نہیں ہے۔
دوسری طرف پی ڈی پی کے تقریباً 10 رہنماوں نے کشمیر دورے پر آئے ہوئے بیرونی سفیروں سے ملاقات کی تھی جس کے بعد پی ڈی پی نے انہیں پارٹی سے برطرف کیا۔ اس معاملے کے بعد پی ڈی پی کے سینئر رہنماؤں اور کارکنان پارٹی سے استعفیٰ دیا ہے۔
بتایا جا رہا ہے کہ یہ رہنما و کارکنان الطاف بخاری کی قیادت میں تشکیل ہو رہی نئی سیاسی جماعت میں شامل ہونے جا رہے ہیں۔
