بی جے پی نے ڈی ڈی سی انتخاب کے لئے 72 اُمیدواروں کی فہرست جاری کی

جموں وکشمیر میں ڈی ڈی سی انتخابات کے لئے بی جے پی نے پہلی فہرست جاری کردی ہے۔ اس فہرست میں 72 اُمیدواروں کے ناموں کا اعلان کیا گیا ہے۔ دسمبر میں ڈی ڈی سی کے انتخابات آٹھ مرحلوں میں ہونے ہیں۔

جموں وکشمیر میں ہونے والے ضلعی ترقیاتی کونسل انتخابات (ڈی ڈی سی) کے لئے بی جے پی نے اپنے 72 اُمیدواروں کی پہلی فہرست جاری کردی ہے۔ پارٹی کے ایک ترجمان نے کہا کہ بی جے پی نے جموں خطے کے لئے 35 اور وادی کشمیر کے لئے 37 اُمیدواروں کا اعلان کیا ہے۔

پارٹی کے صدر دفاتر میں منعقدہ ایک اعلیٰ سطحی اجلاس میں اس فہرست پر حتمی فیصلہ کیا گیا۔ یہ اجلاس جموں و کشمیر بی جے پی کے سربراہ رویندر رینہ کی زیر صدارت ہوا۔

ڈی ڈی سی انتخابات آٹھ مرحلوں میں یکم دسمبر سے 24 دسمبر تک ہوں گے۔