پانپور: میونسپل کمیٹی پانپور نے سب ضلع ہسپتال کا دورہ کیا

بھارتیہ جنتا پارٹی کے رہنما و چیئرمین میونسپل کمیٹی پانپور نے سب ضلع ہسپتال پانپور کا دورہ کیا، ساتھ ہی انہوں نے ہسپتال میں مریضوں کو دی جانے والی طبی نگہداشت کا بھی معائنہ کیا۔

مریضوں اور تیمارداروں سے بات کرتے ہوئے محمد یعقوب ملک نے انہیں ہسپتال میں دی جانے والی سہولیات کے علاوہ ڈاکٹروں کی جانب سے مریضوں کو صحیح علاج فراہم کرانے کے بابت جانکاری دی۔

بی جے پی رہنما و چیئرمین میونسپل کمیٹی پانپور نے ہسپتال میں طبی و نیم طبی عملے کی حاضری کا بھی جاٸزہ لیا۔ وہیں انہوں نے بلاک میڈیکل افسر ڈاکٹر گلزار سے ہسپتال کی ضروریات اور سہولیات کے تعلق سے ضروری باتوں پر تبادلہ خیال کیا۔ چیئرمین نے کہا کہ 'اس دورے کا مقصد ہسپتال میں مریضوں کو دی جانے والی سہولیات کا جاٸزہ لینا تھا۔

انہوں نے کہا کہ 'وہ لوگوں کی مشکلات کا ازالہ چاہتے ہیں اور عام لوگوں کو ہر طرح کی سہولیات بہم پہنچانا چاہتے ہیں، تاکہ عوام حکومت کی جانب سے دی جارہی سہولیات کا بھرپور فائدہ اُٹھاٸیں۔'