جموں و کشمیر کے دارالحکومت سرینگر میں وادی میں آباد سکھ طبقے کے لوگوں نے تزک و احتشام کے ساتھ بیساکھی کے تہوار میں شمولیت اختیار کی-
گذشتہ برس کووڈ-19 لاک ڈاؤن کی وجہ سے سکھ براداری نے اس تہوار کو نہیں منایا، تاہم ایک برس کے بعد آج وہ خوش نظر اۤ رہے ہیں۔
سرینگر کے رعنہ واری علاقے میں واقع چھٹی پادشاہی گردوارہ میں سینکڑوں سکھوں نے حاضری دے کے اس مذہبی تہوار کو عقیدت کے ساتھ منایا-
گردوارے کے گرد و نواح میں سیکورٹی کا پہرہ لگایا گیا تھا جبکہ گرودوارہ میں داخل ہونے والے افراد کی جانچ اور تلاشی لی جا رہی تھی-
گوردوارے میں کووڈ کی ایس او پیز پر کچھ حد تک عمل کیا جارہا تھا-
زائرین نے ای ٹی وی بھارت سے بات کرتے ہوئے کہا کہ انہوں اس موقع پر کووڈ-19 کی مہلک وبا سے دنیا کو نجات دلانے کی دعا کی-
ان کا مزید کہنا تھا کہ انہوں نے کشمیر میں امن و امان کے لیے بھی دعا کی-
