وادی کشمیر کے تقریباً تمام ہی اضلاع میں وزیراعظم نریندر مودی کی جانب سے آیوشمان بھارت صحت اسکیم کو عوام کے نام وقف کرنے کی تقریب منعقد ہوئی۔ وزیر اعظم کے خطاب کو براہ راست دیکھنے کے لئے محمکہ صحت کی طرف سے ضلع ہسپتالوں میں سیٹ اپ لگایا گیا تھا۔
یہ تقاریب ضلع کپواڑہ کے ہندواڑہ، اننت ناگ کے پہلگام، اننت ناگ کے بجباڑہ، پلوامہ کے قصبہ پانپور کے ٹاؤن ہال، ڈوڈہ اور کلگام سمیت متعدد اضلاع میں منعقد کی گئیں۔
پروگرام میں تمام اضلاع کے اعلی افسران نے کی شرکت کی۔ اس موقع پر ترقیاتی کمشنرز نے محمکہ صحت سے وابستہ ملازمین اور آنگن واڑی ورکرز پر زور دیا کہ وہ تمام لوگوں کو اس اسکیم کے تحت اندروج کرانے میں جنگی سطح پر اقدامات کریں تاکہ کوئی بھی کنبہ چھوٹنے نہ پائے۔
انہوں نے آنگن واڈی ورکرز کو زور دے کر کہا کہ وہ لوگوں کو نزدیکی سی ایس سی سنٹرز پر مذکورہ اسکیم کے تحت اندراج کروانے کے لئے کام کریں تاکہ زیادہ سے زیادہ لوگوں کو اس اسکیم کے تحت فائدہ پہنچایا جا سکے۔
یہ بھی پڑھیں: ملیے جموں و کشمیر کی پہلی خاتون بس ڈرائیور سے
واضح رہے ہر فرد جس کا اس اسکیم میں اندراج ہوگا بیمار ہونے پر اسے پانچ لاکھ روپے تک کا انشورنس فراہم کیا جائے گا۔ اسے ڈاکٹر کی فیس سے لے کر دواؤں تک اور آپریشن سے لے کر دیگر طبی خدمات مفت میں حاصل ہوں گی۔ اسکیم کی لانچنگ کے موقع پر مستفید افراد میں گولڈن کارڈ بھی تقسیم کئے گئے۔
