آمدنی سے زیادہ جائیداد رکھنے کی پادائش میں بلاک مینیجر سٹیٹ فاریسٹ کارپوریشن کے مکانات پر اینٹی کرپشن بیورو نے سرینگر اور جموں میں چھاپے مارے۔
رشوت خور سرکاری عہدیداروں کے خلاف کریک ڈاون جاری رکھتے ہوئے اینٹی کرپشن بیورو نے سٹیٹ فاریسٹ کارپوریشن میں تعینات بلاک مینیجر کے جموں اور سرینگر واقع رہائشگاہوں پر چھاپے ڈالے اور وہاں سے کاغذات ضبط کئے۔
ذرائع کے مطابق پیر کو اینٹی کرپشن بیورو نے بلاک مینیجر سٹیٹ فاریسٹ کارپوریشن کے مکانات پر چھاپے مار کر سرکاری عہدیدار کے گھروں کو کھنگالا اور وہاں سے ’’اہم کاغذات‘‘ کو اپنی تحویل میں لے لیا۔
اینٹی کرپشن بیورو کی جانب سے جاری کئے گئے بیان میں کہا گیا ہے کہ آمدنی سے زیادہ جائیداد بنانے کی پاداش میں بلاک مینیجر سٹیٹ فاریسٹ کارپوریشن کی رہائشگاہوں پر چھاپے مارے گئے ہیں۔
