جموں و کشمیر اپنی پارٹی کے صدر اور سابق وزیر الطاف بخاری نے اس بات کا انکشاف کیا ہے کہ ان کا ایئرٹیل موبائل فون ہیک یا کلون کیا گیا ہے اور ’’گزشتہ دو ماہ سے اس کا غیر ضروری استعمال کیا جا رہا ہے۔‘‘
انہوں نے متعلقہ حکام کے پاس اس سے متعلق شکایت درج کی ہے اور اس معاملے کی تحقیقات کی جا رہی ہے۔
انہوں نے کہا کہ ان کے موبائل نمبر کو انہوں نے استعمال کرنا بند کیا ہے اور احباب و دیگر لوگوں سے اس فون نمبر پر کال، پیغام موصول نہ کرنے کا التماس کیا ہے۔
الطاف بخاری نے اس جانکاری کے متعلق مقامی جریدوں میں اشتہار دیا ہے جس میں ان کا کہنا ہے کہ ان کے دہلی والے موبائل فون کو دو ماہ قبل ہیک یا کلون کیا گیا ہے۔
قابل غور ہے کہ الطاف بخاری نے 8 مارچ 2020 کو ’اپنی پارٹی‘ کی بنیاد رکھی اور گزشتہ ایک برس سے زائد عرصے سے ان کی جماعت سیاسی سرگرمیوں میں کافی متحرک ہے۔
