بانڈی پورہ: جموں و کشمیر کے لیفٹیننٹ گورنر کے مشیر راجیو رائے بھٹناگر نے گلمرگ کا دورہ کیا جہاں پر انہوں نے گلف کلب میں افسران کی ایک میٹنگ کی صدارت کی جس کے تحت 'کھیلو انڈیا نیشنل ونٹر گیمز کے آئندہ تیسرے ایڈیشن کے لیے کی گئی تیاریوں اور انتظامات کا جائزہ لیا۔ کھیلو انڈیا اسپورٹس انیشیٹو 10 سے 14 فروری 2023 تک رہے گا۔اس میٹنگ کے دوران افسران سے خطاب کرتے ہوئے مشیر نے اس بات پر روشنی ڈالی کہ یہ ایونٹ نہ صرف جموں و کشمیر میں کھیلوں کی سرگرمیوں کو فروغ دے گا، بلکہ ملکی اور غیر ملکی سیاحوں کو اپنی جانب متوجہ کرنے میں بھی کافی کارگر ثابت ہوگا۔
اس تقریب سے متعلق دیگر پہلوؤں کا جائزہ لیتے ہوئے مشیر نے افسران کو تاکید کی کہ تمام ضروری انتظامات جیسے رہائش، قیام و طعام اور دیگر سہولیات کو پہلے سے ہی مکمل کر لیا جائے۔تاکہ یہاں پر آنے والے سیاحوں کو مشکلاتوں کا سامنا نا کرنا پڑے۔ اجلاس کے دوران شرکاء کے لیے رہائش، ٹریفک مینجمنٹ، اضافی پارکنگ سلاٹس کی نشاندہی، برف کی صفائی، سیکیورٹی، ٹرانسپورٹ کی سہولیات، میڈیا کوریج، بجلی، پانی، صحت کی سہولیات اور دیگر متعلقہ امور پر بھی تفصیلی تبادلہ خیال کیا گیا۔
اس دوران انہوں نے بتایا کہ قومی اور ریاستی کھیلاڑ یوں نے رجسٹریشن کروایا ہے۔انہون نےہدایت دیتے ہوئے کہا کہ تقریب میں مختلف ثقافتی پروگراموں کا مشاہدہ کیا جائے۔ اور اس پروگرام کو کامیاب بنانے کیلے ہر طرح کے بنیادی سہولیات ہونی چایے۔
