جموں کشمیر میں گزشتہ24گھنٹوں کے دوران عالمی وبا کورونا وائرس کے 561نئے مثبت معاملات درج کیے گئے ہیں۔ جن میں وادی کشمیر سے 384جبکہ صوبہ جموں سے177کیس درج کیے گئے ہیں۔
جموں و کشمیر میں نئے 561مثبت معاملات کے ساتھ ہی عالمی وبا سے متاثر ہونے والے افراد کی تعداد 1,34,015پہنچ گئی ہے۔
محکمہ صحت کی جانب سے جاری کیے گئے اعداد و شمار کے مطابق گزشتہ چوبیس گھنٹوں کے دوران عالمی وبا سے یو ٹی جموں و کشمیر میں دو افراد فوت ہو گئے۔ مرنے والے دونوں افراد کا تعلق وادی کشمیر سے ہے۔
قابل ذکر ہے کہ حالیہ دنوں دیگر ریاستوں کی طرح جموں و کشمیر میں بھی مثبت معاملات میں تیزی سے اضافہ ہو رہا ہے۔
