وادی کشمیر کے بیشتر حصوں میں پیر کی شب گزشتہ 6 روز کے بعد موبائل 2 جی انٹرنیٹ خدمات بحال کر دی گئی ہے۔ جس سے مختلف طبقہ ہائے فکر کے لوگوں کے ساتھ ساتھ صحافتی شعبہ سے وابستہ افراد نے بھی کسی حد تک راحت کی سانس لی یے۔
ادھر پلوامہ ضلع میں بھی پیر اور منگل کی درمیانی شب کو ہی فون وائس کالنگ خدمات بحال کر دی گئ یے۔
واضح ہو کہ وادی کے دیگر 9 اضلاع میں فون خدمات کو 3دن پہلے ہی بحال کیا گیا تھا لیکن ضلع پلوامہ میں فون کالنگ سروس گزشتہ 6 روز بند تھی۔
خیال رہے کہ گزشتہ ہفتے بدھ کے روز ضلع پلوامہ کے بیگ پورہ گاؤں میں ایک مسلح تصادم کے دوران حزب المجاہدین کے اعلی کمانڈر ریاض نائیکو کو اس کے ایک ساتھی سمیت ہلاک کیا گیا تھا۔ جس کے بعد انتظامیہ نے عوامی احتجاج کےخدشے اور امن و امان کو برقرار رکھنے کے پیش نظر پوری وادی میں موبائل فون اور 2 جی انٹرنیٹ اور ایس ایم ایس خدمات کو بند کردیا تھا۔
دوسری جانب یو ٹی انتظامیہ نے 2 جی انٹرنیٹ کے سلسلے میں ایک حکمنامہ بھی جاری کیا ہے۔ جس کے مطابق جموں و کشمیر میں 2 جی انٹرنیٹ سروس 27 مئی تک بحال رہے گئ جبکہ رواں ماہ کے آخری ہفتے میں نئے سرے سے صورتحال کا جائزہ لینے کے بعد اگلے اقدام کا اعلان کیا جائے گا
