ReT Teachers Terminated جموں صوبے کے 23 رہبر تعلیم اساتذہ برطرف

جموں و کشمیر انتظامیہ کا کہنا ہے کہ جموں کے مختلف اضلاع کے 23 رہبر تعلیم اساتذہ نے ایسے اداروں سے اہلیت کی سرٹیفیکٹس حاصل کی ہیں جنہیں جموں وکشمیر بورڈ اسکول ایجوکیشن نے تسلیم نہیں کیا ہے۔

مرکز کے زیر انتظام خطہ جموں وکشمیر کے جموں انتظامیہ نے غیر تسلیم شدہ بورڈز سے حاصل کردہ غیر موثر قابلیت سرٹفکیٹس جمع کرانے پر کاروائی کرتے ہوئے جموں صوبے کے 23 رہبر تعلیم اساتذہ کو نوکریوں سے برطرف کر دیا ہے۔ برطرفی کا یہ حکم ڈائریکٹر اسکول ایجوکیش کے جموں نے جاری کیا ہے۔اس حکمنامہ میں کہا گیا ہے کہ جموں صوبے کے مختلف اضلاع کے 23 رہبر تعلیم اساتذہ نے ایسے اداروں سے اہلیت کی سرٹیفیکٹس حاصل کی ہیں جنہیں جموں وکشمیر بورڈ اسکول ایجوکیشن نے تسلیم نہیں کیا ہے۔

انتظامیہ کی جانب سے جاری کردہ حکم نامے کے مطابق رہبر تعلیم اساتذہ کے زیر التوا کیسز کی مستقلی کے حوالے سے 7فروری 2023 کمیٹی میں جائزہ لیا گیا۔ جس دوران کمیٹی کے اراکین نے یہ مشاہدہ کیا کہ جموں صوبے کے مختلف اضلاع کے 23 رہبر تعلیم اساتذہ نے اپنی اہلیتی اسناد ان اداروں سے حاصل کی ہیں جوکہ جموں وکشمیر بورڈ آف اسکول ایجوکیشن جموں نے تسلیم نہیں کیا یے۔

انتظامیہ کی جانب سے جاری کردہ حکم نامےمیں مزید کہا گیا ہے رہبر تعلیم اساتذہ نے اپنی اہلیتی اسناد ان اداروں سے حاصل کی جس بورڈز کو بھارت میں کونسل آف بورڈز آف اسکول ایجوکیشن یعنی سی او بی ایس ای نے بھی تسلیم نہیں کیا ہے۔ اس تناظر میں کمیٹی نے 23 رہبر تعلیم اساتذہ کو فوری طور برطرف کرنے کی سفارش کی ہے کیونکہ ان کے پاس مطلوبہ اہلیت اسناد نہیں ہیں۔