وادی کشمیر میں کورونا وائرس کے 14 نئے مثبت معاملات سامنے آئے ہیں۔جموں و کشمیر انتظامیہ کے ترجمان نے نئے کورونا کیسز کی تصدیق کی ہے۔
انتظامیہ کے ترجمان روہت کنسل نے سوشل میڈیا پر ایک ٹویٹ میں کہا کہ جموں و کشمیر میں کووڈ-19 کے 14 مثبت کیسز سامنے آئے ہیں، سارے کیسز کشمیر صوبے سے ہیں۔
پورے جموں و کشمیر میں کورونا وائرس معاملات کی کُل تعداد 368 پہنچ گئی ہے، جن میں صوبے کشمیر میں 313 اور جموں میں 55 ہیں۔
یونین ٹریٹری میں 61331 افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔
