شوپیان میں نوجوان لاپتہ

نوجوان کے بھائی جاوید احمد نے بتایا کہ سمیر دن بھر اپنی دکان پر تھا اور جب شام دیر تک وہ اپنے گھر واپس نہیں پہنچا تو گھر والوں نے سمیر کے نمبر پر فون کیا مگر اس کا فون بند تھا۔

جنوبی ضلع شوپیان کے کنی پورہ علاقے سے تقریباً چار روز پہلے ایک 22 سالہ نوجوان گھر سے لاپتہ ہو گیا ہے، نوجوان کی شناخت سمیر احمد نجار ولد عبد الحمید نجار ساکنہ کنی پورہ شوپیان کے طور پر ہوئی ہے۔

نوجوان کے رشتہ داروں کے مطابق سمیر احمد نجار گزشتہ چار روز گھر سے لاپتہ ہے۔ اہل خانہ نے بتایا 'ہم نے اسے ہر گوشے اور کونے میں تلاش کیا لیکن اس کا سراغ نہیں مل رہا ہے۔ انہوں نے بتایا کہ مذکورہ نوجوان اپنے گھر کے باہر کچھ ہی دوری پر ایک دکان چلاتا تھا۔'

مذکورہ نوجوان کے بھائی جاوید احمد نے بتایا کہ سمیر دن بھر اپنی دکان پر تھا اور جب شام دیر تک وہ اپنے گھر واپس نہیں پہنچا تو گھر والوں نے سمیر کے نمبر پر فون کیا مگر اس کا فون بند تھا۔

انہوں نے اپنے بھائی سے گزارش کی ہے کہ وہ جہاں بھی ہیں اپنے گھر کو واپس لوٹے کیونکہ گھر میں سبھی افراد اس کی راہ دیکھ رہے ہیں اور اس کے لوٹنے کا انتظار کررہے ہیں۔

والدین، بھائی اور رشتہ داروں سمیت کنبہ کے دیگر افراد نے بھی سمیر سے گھر واپس آنے کی درخواست کی ہے۔ شاہنواز کے اہل خانہ نے پولیس سٹیشن شوپیان میں لاپتہ ہونے کا مقدمہ بھی درج کرایا ہے اور پولیس نے بتایا کہ انہوں نے کیس درج کرکے مذکورہ نوجوان کو تلاش کرنے کی کوششیں شروع کر دی ہے۔