کرونا وائرس کے اثرات کو پھیلنے سے روکنے کے لیے وادی کشمیر کے جنوبی ضلع شوپیان میں لاک ڈاؤن جیسی صورت حال برقرار رہی، جس کی وجہ سے قصبہ کے راستوں کو بند کردیا گیا اور پولیس و سی آر پی ایف کے اضافی دستوں کو بھی تعینات کردیا گیا تھا اور پولیس و سی آر پی ایف کی گاڑیوں پر لاؤڈ اسپیکروں کے ذریعے اعلانات کیے گئے تھے کہ لوگ گھروں سے بلاوجہ باہر نہ نکلیں۔
شوپیان میں لاک ڈاؤن جیسی صورت
ضلع انتظامہ شوپیان نے چند روز قبل ہی پبلک ٹرانسپورٹ پر پابندی عائد کردی تھی وہیں آج قصبہ میں داخل ہونے والے تمام راستے کو بند کرنے کی وجہ سے گاڑیوں کو روک دیا گیا۔
ایسی بندش کے بعد بھی مریضوں کے اسپتال اور ضروری ملازمین کو چلنے پھرنے کی اجازت دی گئی تھی، تاہم روز مرہ کی زندگی میں استعمال ہونے والے اشیاء کے دوکانات کے علاوہ اے ٹی ایم اور میڈیکل شاپ کو کھولنے کی اجازت تھی۔
