عید میلاد النبیﷺ کے مقدس موقع پر جنوبی کشمیر کے ضلع شوپیاں میں نماز جمعہ کے موقع پر آثار شریف پنجورہ میں عظیم الشان اور روح پرور اجتماع کا انعقاد کیا گیا۔
نماز جمعہ اور نماز عصر کے موقع پر آثار شریف پنجورہ میں موئے مقدسﷺ کی زیارت کا اہتمام کیا گیا۔ ضلع کے مختلف علاقوں سے آئے ہوئے فرزندان توحید موئے مقدسﷺ کی زیارت سے فیضیاب ہوئے۔
آثار شریف میں درود و اذکار اور نعتیہ محافل کا اہتمام کیا گیا۔ تاہم امسال عالمی وبا کورونا وائرس کے پیش نظر شب خوانی کی اجازت نہیں دی گئی جبکہ جمعرات کی شام نماز مغرب تا عشاء درود اذکار کی محفل کا اہتمام کیا گیا۔
مزید پڑھیں: ملک کے ان شہروں میں مختلف انداز سے منائی گئی عید میلادالنبیؐ
نماز جمعہ کے بعد پنجورہ شوپیان میں میلاد النبی صلی اللہ علیہ وسلم کے موقع پر جلوس اور ریلیاں بھی برآمد کی گئیں۔
وادی کے مختلف مقامات پر بعض مساجد و خانقاہوں کو برقی قمقموں سے نہایت خوبصورت انداز سے سجایا گیا ہے، جبکہ سڑکوں، گلیوں، بازاروں اور گھروں کا بھی چراغاں کیا گیا۔
