زاہد کسی عسکری تنظیم میں شامل نہیں ہوا: اہل خانہ

سوشل میڈیا پر ایک تصویر وائرل ہوئی تھی جس میں زاہد احمد میر عرف زاہد بھائی لکھا ہوا تھا اور عسکری صفوں میں شمولیت اختیار کرنے کی تاریخ بھی لکھی گئی تھی جو 2 ستمبر 2020 بتائی گئی تھی۔

جنوبی کشمیر کے ضلع شوپیاں سے تعلق رکھنے والے ایک نوجوان کے اہل خانہ نے سوشل میڈیا کی ان رپورٹس کو رد کیا ہے جن کے مطابق ان کے بیٹے نے عسکری صفوں میں شمولیت اختیار کی ہے۔

اہل خانہ کا کہنا ہے کہ 'ہمارا بیٹا ہمارے ساتھ بہ نفس نفیس موجود ہے۔ اس نے کسی عسکری تنظیم میں شمولیت اختیار نہیں کی ہے۔'

'ہمارا بیٹا کسی عسکری تنظیم میں شامل نہیں ہوا'

بتادیں کہ سوشل میڈیا پر زاہد احمد میر ولد غلام حسن میر ساکنہ پیر پورہ شوپیاں نامی نوجوان کی تصویر وائرل ہوئی تھی جس میں کہا گیا تھا اس نے عسکریت پسندوں کی صفوں میں شمولیت اختیار کی ہے۔

تصویر میں زاہد احمد میر عرف زاہد بھائی بھی لکھا ہوا تھا اور عسکری صفوں میں شمولیت اختیار کرنے کی تاریخ بھی لکھی گئی تھی جو 2 ستمبر 2020 بتائی گئی تھی۔

شوپیاں پولیس نے اس ضمن میں ایک ٹویٹ میں کہا: 'زاہد احمد میر ولد غلام حسن ساکنہ پیر پورہ شوپیاں جس کی سوشل میڈیا پر تصویر وائرل ہوئی ہے کہ اس نے عسکری صفوں میں شمولیت اختیار کی ہے، بے بنیاد ہے۔ اس کا اور اس کے والد کا کہنا ہے کہ وہ گھر میں اپنے خاندان کے ساتھ بہ نفس نفیس موجود ہیں اور کسی عسکری تنظیم میں شمولیت اختیار نہیں کی ہے'۔

شوپیاں پولیس کے اس ٹویٹ کو بعد میں کشمیر زون پولیس نے بھی اپنے ٹویٹر ہینڈل پر ری ٹویٹ کیا ہے۔