84 کلومیٹر طویل مغل روڑ کو حالیہ برفباری کے باعث چار روز قبل ٹریفک کی آمد ورفت کے لیے بند کردیا گیا تھا۔ تاریخی مغل روڑ پر سے برف ہٹائے جانے کے بعد شاہراہ کو ٹریفک کی نقل و حمل کے لئے بحال کردیا گیا ہے۔
تاریخی مغل روڑ ٹریفک کی آمد و رفت کے لیے بحال
ایک عہدیدار نے بتایا کہ مغل روڑ پر پیر کی گلی کے مقام پر قریب ڈیڑھ فٹ جب کہ دبجن علاقے میں ایک فٹ برفباری ہوئی تھی جس کے باعث روڑ کو ٹریفک کی نقل و حمل کے لیے بند کردیا گیا تھا۔
انہوں نے کہا کہ 84 کلومیٹر طویل شاہراہ پر برف ہٹائے جانے کے بعد اسے ٹریفک کی آمد و رفت کے لیے کھول دیا گیا۔
قابل ذکر ہے کہ وادیٔ کشمیر کو ملک کے باقی حصوں کے ساتھ جوڑنے والی سری نگر- جموں قومی شاہراہ کے بعد مغل روڑ ہی واحد متبادل شاہراہ ہے جو ضلع شوپیاں کو صوبہ جموں کے ساتھ جوڑتی ہے۔
