جنوبی کشمیر کے شوپیاں ضلع کے مشہور نالہ رمبی آرہ میں غیر قانونی طور کھدائی کرنے، نالہ سے ریت اور باجبری نکالنے کے خلاف ضلع انتظامیہ نے کارروائی کر کے 27افراد کو گرفتار کرنے کے ساتھ ساتھ 26 گاڑیاں بھی ضبط کیں۔
ضلع پولیس نے ڈپٹی کمشنر شوپیان کی خصوصی ہدایت پر نالہ رمبی آرہ سے غیر قانونی طور پر ریت اور باجری نکالنے والوں کے خلاف آپریشن کا آغاز کیا۔
شوپیاں پولیس نے اس ضمن میں 18/19 مئی 2020 کی درمیانی شب ضلع میں بڑے پیمانے پر مہم چلائی اور 12 ٹپرز، 13 ٹریکٹر اور ایک بلڈوزر کو قبضہ میں لیا اس دوران 27 افراد کو نالہ رمبی آرہ سے گرفتار کیا گیا جو غیر قانونی طور پر اس نالہ سے ریت اور باجری نکال رہے تھے۔
پولیس نے معاملہ درج کرکے مزید کارروائی شروع کر دی ہے۔
