جنوبی کشمیر کے شوپیان ضلع میں بدھ کی شام عسکریت پسندوں اور سکیورٹی فورسز کے درمیان گولیوں کا تبادلہ ہوا، جس میں تین فوجی اہلکار زخمی ہوئے ہیں۔Encounter Started In Shopian
تفصیلات کے مطابق فوج کی 34 راشٹریہ رائفلز سی آر پی ایف اور جموں و کشمیر پولیس نے ضلع کے چک نوگام علاقے کو عسکریت پسندوں کی موجودگی کی اطلاع ملنے پر محاصرے میں لے کر تلاشی آپریشن شروع کیا۔
تلاشی آپریشن شروع ہونے کے دوران ہی عسکریت پسندوں نے فورسز اہلکاروں پر فائرنگ کردی جس کی وجہ سے تین فوجی اہلکار زخمی ہوگئے۔ جنکی شناخت سوم ویر کمار، سنیل کمار اور میانک سنگھ کے بطور ہوئی ہے۔
ابتدائی فائرنگ کے تبادلے کے بعد فورسز اہلکاروں نے پورے علاقے کو گھیرے میں لے کر رکھا ہے اور تلاشی آپریشن جاری ہے۔
ابتدائی فائرنگ کے بعد بھی اب تک فورسز اہلکاروں اور عسکریت پسندوں کے بیچ کوئی آمنا سامنا نہیں ہوا ہے اور یہ خدشہ ظاہر کیا جارہا ہے کہ عسکریت پسند اندھیرے کا فائدہ اٹھا کر بھاگ گئے ہیں۔ تاہم فورسز اہلکاروں نے پورے علاقے کے داخلی و خارجی راستوں پر پہرے بٹھا دیئے ہیں اور روشنی کا انتظام کرکے تلاشی آپریشن جاری ہے۔
