شوپیان: وَیشو نالہ سے 14 سالہ لڑکی کی لاش برآمد

جنوبی کشمیر کے شوپیان ضلع میں جمعہ کو 14 سالہ لڑکی کی لاش نالہ وَیشو سے بر آمد کی گئی۔ ابتدائی معلومات کے مطابق لڑکی کی موت پانی میں ڈوبنے سے ہوئی ہے۔

ضلع شوپیان کے ریشی نگری علاقے میں اُس وقت کہرام مچ گیا جب مقامی لوگوں نے نالہ وَیشو سے ایک لڑکی کی لاش برآمد کی۔

لڑکی کی شناخت 14 سالہ مفروشہ مشتاق بنت مشتاق احمد ریشی ساکنہ ریشی نگری شوپیان کے طور پر ہوئی ہے۔ مقامی لوگوں کے مطابق لڑکی کی موت پانی میں ڈوبنے کے سبب ہوئی ہے۔

شوپیان پولیس کی ایک ٹیم موقع پر پہنچ گئی ہے اور اس ضمن میں مزید تحقیقات شروع کر دی گئی ہے۔