محکمہ ہینڈلوم کی جانب سے بنکروں اور گھریلو دستکاروں کے لیے آج جنوبی کشمیر کے ضلع شوپیان میں ایک بیداری کیمپ منعقد کیا گیا۔ اس پروگرام میں کاریگروں کو حکومت کی مختلف اسکیموں کے بارے میں جانکاری فراہم کی گئی۔
بیداری کیمپ
کیمپ میں ڈپٹی کمشنر شوپیان سچن کمار نے بطور مہمان خصوصی شرکت کی جبکہ جانکاری کیمپ میں متعلقہ محکمہ کے باقی افسران بھی موجود تھے۔ اپنے خطاب میں ڈپٹی کمشنر شوپیان سچن کمار نے دستکاروں اور بنکروں پر زور دیا کہ وہ ایمانداری سے اپنے ہنر کو جاری رکھیں۔
یہ بھی پڑھیں: بچی کو ایکسپائر انجکشن لگانے کا الزام
انہوں نے مزید کہا کہ کیمپ منعقد کرنے کا مقصد دستکاروں کو محکمہ کی اسکیموں کے متعلق جانکاری فراہم کرنا ہے۔ انہوں نے کہا کہ محکمہ آنے والے دنوں میں بھی ایسے مزید کیمپ منعقد کرے گا جس کے کافی اچھے نتائج سامنے آئیں گے۔
